Gallia Romana
Notice
| Ville | Reims (Marne, 51) |
|---|---|
| Sujet(s) | |
| Auteur(s) | |
| Support | Imprimé |
| Date | 1575 |
| Inscription | |
| Références | Thevet 1575, XV, 1, f. 564v° |
| Bibliographie | DLF XVIe siècle, p. 1121-1122 ; Fouqueray/ Neiss 1976 ; Lemerle 2005, p. 120-121 ; Chossenot/Estéban/Neiss 2010, p. 203-204 |
| Remarques | |
Transcription
DLF XVIe siècle, p. 1121-1122 ; Fouqueray/ Neiss 1976 ; Lemerle 2005, p. 120-121 ; Chossenot/Estéban/Neiss 2010, p. 203-204
« Au reste, les marques d’antiquitez de ceste ville, que j’ay veuës estant sur le lieu, sont telles (sans faire mention d’infinies Medalles, qui s’y sont trouvees, & trouvent journellement) A sçavoir, que vers le Midy y a une faulse porte, appellee par le vulgaire Porte Bazet, dite des Anciens Porta Bacchi, comme s’ils eussent voulu dire Porte de Bacchus : soubz l’arc de laquelle se voit encor aujourd’huy quelque figure de ce Dieu, non comme les Anciens le peignoient, sur un Char triomphal, tiré par deux Tygres, qui luy estoient consacrez (ce qui se peult voir par les Medalles de Philippes, & Galien, autour desquelles est escrit Libero patri conservatori : Augusti, & au renvers son simulachre effigié) ains assez simplement, & d’une moyenne grandeur. Elle fut ainsi appellee, d’autant que les meilleurs vins de tout le païs entroient par là : & est l’endroit, par où les Vandales surprindrent la ville. »