Gallia Romana

Ville	Nîmes (Gard, 30)
Sujet(s)
Auteur(s)
Support	Manuscrit
Date	1612
Inscription
Références	Bergeron 5560, f. 388
Bibliographie	DLF XVIIe siècle, p. 136-137 ; Amy/Gros 1979 ; Fiches/Veyrac 1996, p. 278-286 ; Gros 1996, p. 157-159 ; Lemerle 2005, p. 85 ; Holtz 2011 ; Lemerle 2013-2
Remarques

Transcription

DLF XVII^e siècle, p. 136-137 ; Amy/Gros 1979 ; Fiches/Veyrac 1996, p. 278-286 ; Gros 1996, p. 157-159 ; Lemerle 2005, p. 85 ; Holtz 2011 ; Lemerle 2013-2

« La Maison ou palais quarre a unze colones corinthiennes en chaque face de longueur et 6. en largeur qui font en tout 30. colones, Lon tint que cestoit le lieu du pretoire et iustice ou bien la ou lon faisoit les festins ou assemblees publiques. Il y a apparence que cestoit la celebre Basilique ou Palais Royal doeuure admirable que l’Empereur Adrian fit bastir en lhonneur de l’Imperatrice Plotine femme de Traian a cause quelle luy auoit moienne lEmpire & ladoption. Ceste maison quarree appelee uulgairement Capdueil ou Capitole et pour ce quelques uns pensent que c’ayt este plustost la maison consulaire de la ville et non ceste excellente Basilique dadrien qui deuoit auoir des pourmenoirs, galeries, portiques, parquetz, tribunaux & autres ornemens accoustumez en telz ouurages dont toutefois il ne se voit apparence quelquonque en ceste maison. Quoy que ce soit cest un ouurage excellent dordre corinthien comme le montrent ses colones, chapiteaus, tympan, ou fronton, fuz, corniches, architraues, moulures, porte et autres pieces de riche et singuliere structure et ornemens. Les colones sont striees a 24. canelures. La frize est embellie dune plante dacante naissant auec toute la production de ses ramages. Ceste Maison quarree appartient auiourdhuy aun particulier qui la defforme toute. Ilz disent qua Nismes il y auoit une grotte qui alloit iusqua Arles aus arenes et passoit souz le Rosne ainsy que la caue tiree de la maison de Iaques Coeur a Bourges iusqua Sancerre. »