Gallia Romana
Notice
| Ville | Metz (Moselle, 57) |
|---|---|
| Sujet(s) | |
| Auteur(s) | |
| Support | Imprimé |
| Date | 1610 |
| Inscription | |
| Références | Fabert 1610, f. a4 |
| Bibliographie | Lemerle 2005, p. 77-78, 124-125 ; Flotté 2005, p. 42 |
| Remarques | |
Transcription
« Mais sur tout est considerable l’une des cuves de ces Bains, laquelle sert à present de baptistere en l’Eglise Cathedrale, elle est de Porphire, & du plus beau, de figure ovale, ample à merveille, c’est un des Baignoirs qui s’appeloient autrement Ocean : les autres ont este transportez comme plusieures de noz Colomnes, ou sont perdues par le temps. Au dessoubs de ces Thermes estoit la NAUMACHIE, mediocrement creusée, & de competante grandeur, & dont les parois estoient de pierre de taille ; on le remplissoit de l’eau des Aqueducts, lors qu’il y avoit quelque Combat naval, ou autres ieux à representer : Elle a encores assez d’entier pour monstrer quelle elle estoit. Nous eussions bien desiré pouvoir faire voir en taille-douce le portraict de ces bains, & de leurs ornemens, comme nous avons fait celuy des Aqueducts, mais pour diligence & recherche que nous y ayons apportée, il ne nous a succedé ; nous n’en pouvons iurer qu’en la foy d’autruy. »