Gallia Romana

Ville	Bordeaux (Gironde, 33)
Sujet(s)
Auteur(s)
Support	Manuscrit
Date	1638
Inscription
Références	Paris, Institut, Coll. Godefroy, ms. 220, ff. 96v°-97
Bibliographie	Étienne 1962, p. 191-195 ; Lemerle 2005, p. 72, 104-105
Remarques

Transcription

Chanoine de la collégiale Saint-Martin à Montpezat-de-Quercy (1616-1694)

« Iceluy Amphitheatre est presque tout desmoly et ruiné hormis une partie bien entiere dou se peut inferer ce qui sensuit. Il y avoit six murailles lune autour de l’autre dont les fondements sont de pierre de taille la pluspart : ou il sen void de tres grosses et longues. Le reste est de petite pierre dure [97] fort justement esquarrée et assemblée et entre plusieurs couches de telle pierre aucuns rangs de bricque espoisse de deux ou trois dois estant large et longue a proportion, le tout tres bien travaillé et fenestré extremement. Ces murailles commenceant a celle de dehors qui est la plus haute viennent en sabbaissant peu a peu jusques a la derniere du dedans. Elles ont deux a trois pieds despoisseur les unes plus les autres moins Et l’espace qui est depuis la premiere jusques a la derniere est denviron cent pieds. Il y a deux portaux un de chasque bout par ou est la longueur de lAmphitheatre. Laquelle longueur dedans la sixiesme muraille a plus de 350 pieds et la largeur prise par le milieu de cette longueur 230 pieds. Il est de forme ovalle Le nom qu’il a luy peut avoir esté imposé a cause de Galienus qui estoit Empereur lan de J.C 257 auquel temps les Romains estoient encores maistres de la Gaule. Elie Vinet. »